Бас мәзір

ТҮЛКІБАС АУДЫНЫНА ҚАРАСТЫ ШАМШЫРАҚ ГАЗЕТІНІҢ БАСПАХАНАСЫНДА АЛҒАШҚЫ КІТАПТАР БАСЫЛЫП ШЫҚТЫ

73283436 1139062619817362 4567157085992648704 n 90 жылдық шежірелі тарихы бар аудандық «Шамшырақ» қоғамдық-саяси газетінің шаңырағында мерейлі мереке, қуанышты жайт аталып өтілді. Ол осы редакцияда талай жылдан бері қаламы мен қағазын тастамай әдемі әңгімелермен қатар мағыналы мақалалар жазып жүрген журналист, жазушы Орынтай Көмеков пен ауданымыздың «Бас ақыны» аталып кеткен ақын, Әбдібек Аралбайұлының кітаптарының жарыққа шығып, оқырмандарға жол тартуы болып отыр. Орынтай Өксікбайұлының алғашқы шығармалар жинағы- «Енді гүлге жоламаспын» деген атаумен басылып шықты. Ақын Әбдібек Аралбайұлының кезекті үшінші кітабы «Ізде мені» деп аталады. Кітап аудандық «Шамшырақ» қоғамдық-саяси газетінің баспаханасында басылып, дизайны жасалып, өңделді. Оған аудан әкімі Нұрбол Тұрашбеков демеушілік жасап, мұрындық болды. Қос ақын мен жазушының қуанышына ортақтасу үшін аудан әкімі Нұрбол Әбдісаттарұлы бастаған облыстық ардагерлер кеңесінің төрағасы Ж.Мәуленқұлов, филология ғылымдарының профессоры Мекемтас Мырзахметұлы, облыстық журналистер одағының төрағасы Ғ.Елшібай бастаған журналистер қауымы және де бірқатар ақын-жазушы, қаламгерлер қатысты. Олар ыстық лебіздерін білдіріп, авторларға қаламдарының талмауын тіледі. Кітаптың тұсаукесер тойында ақын Әбдібек Аралбайұлы елі мен жеріне деген алғысын әдемі өлеңіне жырға қосып, аудан басшысына үлкен алғысын білдіріп, ризашылығын жеткізді.

МЕКЕМТАС МЫРЗАХМЕТҰЛЫНА ШЫҒАРМАШЫЛЫҚ ҮЙ ТАБЫСТАЛДЫ!

7G4A9439 Түлкібас ауданында бүкіл қазақ еліне үлгі боларлықтай игілікті іс орын алды.
Есімі елімізге танымал ғалым, жерлесіміз, Ұлы ақын Абай Құнанбаевты, жазушы, даңқты қолбасшы Бауыржан Момышұлын бай мұрасын терең зерттеген Мекемтас Мырзахметұлына торқалы тоқсан жастан асқан уақытында туған жері Майтөбе ауылынан демеушілер есебінен шығармашылық үй жерлестерінің атынан тарту етілді. Бұл үй аудан әкімі Н.Тұрашбековтың тікелей бастамасымен демеушілер есебінен іске асқан.
Ешкім де Еңбек Ері болып тумайды. Абырой да, құрмет те еңбекпен келеді. Әркім – өз дәуірінің перзенті. Өз заманының талабына өзінше үн қосады, еңбегін арнайды. Халқының бақыты үшін күндіз-түні тынбай, елге қызмет еткен Мекемтас ағамыз бақытын ғылымнан тапқан азамат. Мекемтас ағамыз қазақ ғылымының дамуына, әдебиетіміздің өркендеуіне елеулі үлес қосты. Ағамыздың жазған ғылыми және тарихи еңбектері еліміздің дамуына септігін тигізіп, тәрбиелеген шәкірттері республиканың барлық аймағында жемісті еңбек етуде.
Сонымен қатар, өткен жылы ағамыздың тоқсан жасқа толған уақытында жерлес жазушымыз М.Байғұт жазған «Іштарлық пен құштарлық» атты кітабын шығаруға аудан әкімдігі атсалысып, тарту етті. Енді міне тамаша тұрғын үйде ағамызға тарту етіліп отыр.

Толығырақ...

ТҮЛКІБАС АУДАНЫНДА БЕС БІРДЕЙ МӘДЕНИЕТ НЫСАНДАРЫ ЕЛ ИГІЛІГІНЕ ПАЙДАЛАНУҒА БЕРІЛДІ

75453480 174613557022539 7775922299521204224 n Түлкібас ауданының руханият саласында атқарылып жатқан оңды істер аз емес. Биыл ауданымызда Елбасының «Болашаққа бағдар, рухани жаңғыру» бағдарламалық мақаласы аясында шалғай жатқан Көкбұлақ, Елтай, Жанұзақ, Рысқұл, Алғабас ауылдарындағы клубтар күрделі жөндеуден өтіп, 30 қазан күні ел игілігіне пайдалануға берілді.
100-ден аса адамға есептелген мәдени нысандардың жөндеу жұмыстары мен қатар, аумағы толығымен қоршалып, абаттандырылған.
Жаңадан жаңғырған мәдени нысандарында ауыл жастарына музыкалық және басқада да үйірмелер қарастырылып, бос уақыттарын тиімді өткізуге барлық жағдайлар жасалынған.
Елбасы Қазақстан халқына арнаған дәстүрлі жолдауында ауылды көркейту басты мақсатымыздың бірі екенің айтқан болатын. Осы бағытта бүгінгі таңда Түлкібас ауданында жүйелі жұмыстар жолға қойылған.

ТҮЛКІБАС АУДАНЫНДА «ЖАСТАР» ЖЫЛЫНА - «ЖАСТАР АЛЛЕЯСЫ» ТАРТУ ЕТІЛДІ

7G4A9083 2019 жылдың 30 қазан күні аудан орталығындағы Тұңғыш Президент саябағындағы «Жастар аллеясының» ашылу салтанатты шарасы өтті.
Биылғы «Жастар» жылына орай Түлкібас ауданында жастардың көтерген меселелерін қолдау мақсатында ауқымды шаралар іске асуда. Солардың бірі «Жастар аллеясы».
Бұл бастама ағымдағы жылдың ақпан айында жастар жылына орай аудан әкімдігінің ұйытқы болуымен өткен «Жастар жалыны» атты жастар форумында ауданның белсенді жастары тарапынан ұсыныс ретінде айтылған болатын.
Бүгінгі таңда аудан жастарының көтерген мәселесі назардан тыс қалмай, аудан әкімі Н.Тұрашбековтың бастамасымен іске асты.
Жастардың ұсынысында көрсетілген аудандық «Тұңғыш Президент» саябағында бүгінгі күнде «Жастар аллеясының» құрылыс жұмыстары толығымен аяқталып, пайдалануға берілді.
Бұл аллеяда ауданда жаңадан отау құрған жастарымыз, серуендеуге арналған жағдайлардың барлығы жасалынған.

Толығырақ...

«Рухани Керуен»

7G4A8349 Бүгін ҚР Тұңғыш Президенті-Елбасы Н.Ә.Назарбаевтың «Болашаққа бағдар:рухани жаңғыру» бағдарламалық мақаласы аясындағы «Рухани Керуен» жер жәннаты – Жетісу жерінен киелі Түркістан облысының шығыс қақпасында орын тепкен Түлкібас ауданына келіп жетті.
Керуенді Жамбыл облысының шекарасынан Түлкібас ауданы әкімінің орынбасары Е.Күзембаев және аудандық мәслихат хатшысы С.Сейсенбаев бастаған бір топ зиялы қауым өкілдері мен аудан тұрғындары қуана күтіп алып, қонақжайлылықтарын көрсетті.
Сондай-ақ, Жетісу өңірінен келген қонақтар шекарада орналасқан стелланы аралап, облыс аумағындағы барлық ауданның төлқұжаттарымен танысты.
Ағымдағы жылы «Рухани керуен» жобасының ІІІ-ші кезеңі 6 бағыт бойынша Алматы облысының 11 ауданының шекара аймақтарын қамтыды. Биылғы жылы «Рухани керуен» жобасының арнасы кеңейтіліп, «Жер жәннаты – Жетісу жерінен Түркі халықтарының киелі мекені – Түркістан өңіріне» сапар шегу жоспарланды.
Жобаның мақсаты: Қазақстан халқының дәстүрлі рухани мәдениетін елімізде ілгерілету, мемлекетіміздің рухани тірегі болған асыл дініміздің жалпыға ортақ адамгершілік қағидаларын дәріптеу.
Сапардың мақсаты: Елбасының «Рухани жаңғыру» бағдарламалық мақаласы мен дін саласындағы мемлекеттік саясатты жүзеге асыру, әріптестік байланысты нығайту, салт-дәстүрлеріміз бен тағылымы мол тарихымызды дәріптеу, оларды қастерлеу болып табылады.
Шара барысында аудандық мәдениет бөлімінің қызметкерлері тарапынан патриоттық тұрғыдағы әндер орындалып, қонақтарға Түлкібастың алмасы мен әр түрлі тағамдар ұсынылды.

Хабарландыру

2050kz

Ауа райы

  • 1logo-1424.jpg
  • 2memkyzmet.jpg
  • 1348047368.jpg
  • 1349264193.gif
  • 1360515974.gif
  • 1366082058.gif
  • 1379961931.gif
  • 1380530965.gif
  • ruhani.jpg